25 АПРЕЛЬ- НОХЧИЙН МЕТТАН ДЕ.Гуьмсан к1оштан Къеди-Юьртан дехийлан Р.Ф. Умаровн ц1арах йолчу юккъерчу юкъарадешаран ишколехь  х1ора шарахь ма- даххьара, д1адаьхьира Нохчийн маттана лерина денош.         Цхьа а дешархо а, хьехархо а ца лаьттира юьстах.        Къийсадаларшкахь елира, ала мегар ду, хьехархоша йиллина урокаш а, классал арахьара мероприятеш а,  дешархойн кхоллараллин корматалла гойту гуларш а, нохчийн меттан а, г1иллакх-оьздангаллин а хаарш зеран къийсадаларш а.               Нохчийн меттан дозалла дуьйцуш, байташ йоьшуш, эшарш лоькхуш, вайнехан хелхаран хазалла гойтуш дешархоша гайтира шайн корматалла.        Нохчийн меттан денна лерина долу денош дерзош, ишколан директор йолчу Домбаева Маржан Алиевнас массо а декъалвира, нохчийн меттан денца, Ишколан а, к1оштан а мероприятешка жигара дакъалаьцнарш грамоташца билгалбехира. Цул т1аьхьа,  нохчийн кхачанийн доккха шун  а х1оттийна, д1адаьхира  самукъане  ловзар.  Массеран яххьаш дозаллица йогура. Цо гойтура  мотт боцуш къам хирг цахилар. Мотт бу-къам ду, мотт бац- къам дац.                              «…Нохчийн мотт,                                                                                            Хьо бека бисалахь                                                                                       Тахкоза дисинчу  аганна;                                                                                Ненан мотт, 

            Хьо хезчохь бисалахь

            Нана мел езачу  берана.

            Нохчийн мотт, Хьо бийца бисалахь

             Ненан мотт мел безачунна;

            Ненан мотт,  Хьо баха бисалахь

             Нохчийн къам мел деха цуьнца…».